લોક દરબાર”માં વોર્ડ નં.૧૪ના નાગરિકો દ્વારા રાજકોટ મહાનગરપાલિકાના જુદા જુદા વિભાગના કુલ-૭૭  પ્રશ્નો/રજુઆતો રજુ કરવામાં આવ્યા.

વોર્ડ નં.૧૪માં “મેયરશ્રી તમારા દ્વારે” (“લોક દરબાર”) કાર્યક્રમ યોજાયો.

“સ્વાભાવિક છે લોકોના પ્રશ્નો સાંભળવા માટે જ લોક દરબાર યોજ્યો છે, આજે જે નાગરિકોના પ્રશ્નો રજૂ થયા છે તેનું સતત ફોલોઅપ લઈને હકારાત્મક નિકાલ કરવામાં આવશે”: મેયર શ્રીમતી નયનાબેન પેઢડિયા

આવતીકાલ તા.૦૮/૦૮/૨૦૨૪, ગુરુવારના રોજ સવારે ૦૯:૦૦ થી ૧૧:૦૦ દરમ્યાન વોર્ડ નં.૧૫માં વોર્ડ ઓફીસ, વોર્ડ નં.૧૫-બ, જયનાથ પેટ્રોલ પંપ સામે, ભાવનગર રોડ, રાજકોટ ખાતે “મેયરશ્રી તમારા દ્વારે” (“લોક દરબાર”) કાર્યક્રમ યોજાશે.

રાજકોટ મહાનગરપાલિકા દ્વારા શહેરના જુદા જુદા વોર્ડ વિસ્તારમાં પ્રાથમિક સુવિધાના કામો, આંતરમાળખાકીય વિકાસના કામો તથા પ્રવાસન અને હરવા ફરવાના સ્થળ વિકસાવવાના લોકોપયોગી અને પ્રજાકીય કામો કરવામાં આવે છે. આ કામો વધુ સારી રીતે અને સમય મર્યાદામાં થાય તે રીતે પૂર્ણ કરવા માટે નાગરિકોને સાથે રાખી તેઓની રજુઆતો, પ્રશ્નો, ફરિયાદો અને સુચનો આવકારવા માટે રાજકોટ મહાનગરપાલિકા દ્વારા મેયર માન.શ્રીમતી નયનાબેન પેઢડીયાના અધ્યક્ષ સ્થાને વોર્ડવાઈઝ “મેયરશ્રી તમારા દ્વારે”(“લોક દરબાર”)નું તા.૨૨/૦૭/૨૦૨૪ થી તા.૧૩/૦૮/૨૦૨૪ દરમ્યાન વોર્ડવાઈઝ સવારે ૦૯:૦૦ થી ૧૧:૦૦ કલાક સુધી આયોજન કરેલ છે. આ “લોક દરબાર”માં નાગરિકો તરફથી રજુ થનાર રજુઆત, પ્રશ્ન અને ફરિયાદનો સ્થળ પર/ટૂંકા સમયગાળામાં હકારાત્મક નિકાલ કરવાનો ઉમદા પ્રયાસ કરવામાં આવે છે. જે અંતર્ગત આજ તા.૦૭/૦૮/૨૦૨૪, બુધવારના રોજ સવારે ૦૯:૦૦ થી ૧૧:૦૦ દરમ્યાન વોર્ડ નં.૧૪માં વોર્ડ ઓફીસ, વોર્ડ નં.૧૪-અ, માસ્તર સોસાયટી, કોઠારીયા મેઈન રોડ, સ્નાનાગાર વાળી શેરી, રાજકોટ ખાતે “લોક દરબાર” કાર્યક્રમ યોજાયો હતો.

આ “લોક દરબાર” કાર્યક્રમના અધ્યક્ષ મેયર શ્રીમતી નયનાબેન પેઢડિયા, શહેર ભાજપ પ્રમુખ મુકેશભાઈ દોશી, ૭૦ વિધાનસભાના ધારાસભ્ય રમેશભાઈ ટીલાળા, ડેપ્યુટી મેયર નરેન્દ્રસિંહ જાડેજા, સ્ટેન્ડિંગ કમિટી ચેરમેન જયમીન ઠાકર, શાસકપક્ષ નેતા લીલુબેન જાદવ, શાસકપક્ષ દંડક મનીષભાઈ રાડીયા, રાજકોટ શહેર ભાજપ મહામંત્રી વિરેન્દ્રસિંહ ઝાલા, આરોગ્ય સમિતિ ચેરમેન અને કોર્પોરેટર કેતનભાઈ પટેલ, સેનિટેશન કમિટી ચેરમેન અને કોર્પોરેટર નિલેષભાઈ જલુ, કોર્પોરેટર ભારતીબેન મકવાણા, વર્ષાબેન રાણપરા, નાયબ મ્યુનિસિપલ કમિશનર હર્ષદ પટેલ, મેનેજર કૌશિક ઉનાવા, પર્યાવરણ ઈજનેર નિલેશ પરમાર, સીટી એન્જીનીયર અતુલ રાવલ, આરોગ્ય અધિકારી ડૉ.જયેશ વકાણી, આર.સી.એચ.ઓ. ડૉ.લલિત વાજા, એનક્રોચમેન્ટ ઓફિસર પરબત બારીયા, નાયબ આરોગ્ય અધિકારી ડૉ.હાર્દિક મહેતા, એ.ટી.પી. એ.પી.પટેલ, વોર્ડ એન્જીનીયર વી.સી.રાજદેવ, વોર્ડ ઓફિસર એમ.પી.ગોંધીયા, વોર્ડ પ્રભારી જીજ્ઞેશભાઈ જોશી, વોર્ડ પ્રમુખ મહેશભાઈ મિયાત્રા, વોર્ડ મહામંત્રી માનસુરભાઈ વાળા અને કેયુરભાઈ મશરૂ, વોર્ડ નં.૧૪ના નાગરીકો બહોળી સંખ્યામાં ઉપસ્થિત રહ્યા હતા.

આ “લોક દરબાર” કાર્યક્રમમાં વોર્ડ નં.૧૪ના નાગરિકો દ્વારા વિવિધ શાખાની કુલ-૭૭ રજુઆતો/પ્રશ્નો રજુ કરવામાં આવી હતી, આ રજુઆતો/પ્રશ્નોનો ટૂંકા સમયગાળામાં નિકાલ કરવામાં આવનાર છે.“લોક દરબાર”માં રાજકોટ મહાનગરપાલિકાના જુદા જુદા વિભાગ વાઈઝ રજુ થયેલા પ્રશ્નોની માહિતી નીચે મુજબ છે.  

વોર્ડ નં.૧૪માં યોજાયેલ “મેયર તમારા દ્વારે…” “લોક દરબાર”માં વોર્ડ નં.૧૪માં આવેલ વોકળામાં સઘન સફાઈ કરવા બાબત, મિલપરા મેઈન રોડ પર વરસાદી પાણી ભરાવા બાબત, ખોડિયારપરામાં સ્ટ્રીટ લાઈટ અને ટ્રાફિક બાબત, લાઇબ્રેરીમાં ઇનવટર કે જનરેટરની વ્યવસ્થા કરવા બાબત, કેનાલ રોડ પર ગેરકાયદેસર બાંધકામ અટકાવવા બાબત, જિલ્લા ગાર્ડન ચોકમાં દબાણ દૂર કરવા બાબત, જિલ્લા ગાર્ડન પાસે વરસાદી પાણી ભરાઈ જવાથી રોડ લેવલ કરવા બાબત, સોરઠીયા પ્લોટમાં આવેલ વોકળા સફાઈ કરવા બાબત, લક્ષ્મીવાડીમાં ખોડિયાર મંદિર પાસે રોડ પર સફાઈ કરવા બાબત, પરવાનગી વગર જાહેરાતના બોર્ડ બેનરો દૂર કરવા બાબત, ભક્તિનગર સર્કલનો ફુવારો શરૂ કરવા બાબત, વોર્ડ નં.૧૪માં વાઇફાઇ સુવિધા શરૂ કરવા બાબત, વોર્ડ નં.૧૪માં ટીપરવાન અનિયમિત આવે છે, વિવિધ ટ્રાફિકવાળા રોડ પર સ્પીડ બ્રેકર બનાવવા બાબત, વિવિધ વિસ્તારમાં ફોગીંગ કરવા બાબત, વસંતનગરમાં રોડ ઉપર રોડ બનાવવામાં આવે છે જેના લીધે રોડ ઉપરના પાણી ઘરમાં આવે છે, રામનાથ મહાદેવ મંદિર ડેવલપમેન્ટ અને આજી રિવરફ્રન્ટ પ્રોજેકટ આગળ ધપાવવા બાબત, આનંદનગર વિસ્તારમાં વરસાદી પાણીના નિકાલ કરવા બાબત, કોઠારીયા કોલોનીમાં રોડ ખુલ્લો કરવા બાબત, સોસાયટીના કોમન પ્લોટમાં મંદિર બનાવવા બાબત, વાણિયાવાડી ૩/૭ના કોર્નરમાં નિયમિત સફાઈ કરવા બાબત, બાપુનગર સ્લમ ક્વાર્ટરમાં વરસાદી પાણી ઘરમાં આવે છે, ગુંદાવાડી પોલીસ ચોકી ચોકમાં ટ્રાફિક દૂર કરી ફૂટપાથ પર ખાણી-પીણીના દબાણ દૂર કરવા બાબત વગેરે મુખ્ય બાબતોના પ્રશ્નો અને રજુઆતો રજુ થયેલ.

આજના લોક દરબારમાં રોશની શાખાના સીટી એન્જીનીયર ભાવેશ જીવાણી અને ચીફ ફાયર ઓફિસર અનિલ મારુ ગેરહાજર રહેતા સ્ટેન્ડિંગ કમિટી ચેરમેન જયમીનભાઈ ઠાકરે ટકોર કરી હતી. મેયરશ્રીના અધ્યક્ષ સ્થાને યોજાતા “લોક દરબાર”માં સંબંધિત તમામ શાખાના અધિકારીઓએ હાજર રહેવું ફરજિયાત છે તેવું પણ સ્ટેન્ડિંગ કમિટી ચેરમેનએ જણાવ્યું હતું.

આવતીકાલ તા.૦૮/૦૮/૨૦૨૪, ગુરુવારના રોજ સવારે ૦૯:૦૦ થી ૧૧:૦૦ દરમ્યાન વોર્ડ નં.૧૫માં વોર્ડ ઓફીસ, વોર્ડ નં.૧૫-બ, જયનાથ પેટ્રોલ પંપ સામે, ભાવનગર રોડ, રાજકોટ ખાતે“મેયરશ્રી તમારા દ્વારે” (“લોક દરબાર”) કાર્યક્રમ યોજાશે.

Author: ભાગવત ભૂમિ

Hi