‘વિશ્વ શાંતિ કેન્દ્ર’ અને ‘અહિંસા વિશ્વ ભારતી’નાં સ્થાપક જૈન આચાર્ય લોકેશજીને વૈશ્વિક સ્તરે ભારતીય સંસ્કૃતિનાં પ્રચાર માટેના તેમના ગહન સમર્પણની માન્યતામાં ‘સનાતની ગંગા ફાઉન્ડેશન’ દ્વારા લે મેરીડિયન હોટેલમાં પ્રતિષ્ઠિત ‘વૈદિક સન્માન’થી નવાજવામાં આવ્યા હતા.
ગંગોત્સવ 2024 કાર્યક્રમમાં કૅપ્ટન પ્રવીણ કુમાર અને સંજીવ કપૂર દ્વારા લે મેરિડિયન હોટેલમાં વિશિષ્ટ પુરસ્કાર એનાયત કરવામાં આવ્યો હતો જેમાં આચાર્યજીનાં અસાધારણ યોગદાનને બિરદાવવામાં આવ્યું હતું.
વૈદિક સન્માન એ આચાર્ય લોકેશજીની દેશમાં અને આંતરરાષ્ટ્રીય મંચ પર ભારતીય મૂલ્યો અને સંસ્કૃતિને પ્રોત્સાહન આપવા માટેની અતૂટ પ્રતિબદ્ધતાનો પુરાવો છે. આચાર્ય લોકેશજીની વૈશ્વિક આધ્યાત્મિક નેતા તરીકેની તેમની ભૂમિકા ઉપરાંત તાજેતરમાં એક મહત્વાકાંક્ષી પ્રોજેક્ટ “વર્લ્ડ પીસ સેન્ટર” ની જાહેરાત કરી છે જે સાંસ્કૃતિક સંરક્ષણ પ્રત્યેની તેમની પ્રતિબદ્ધતાને વધુ પ્રતિબિંબિત કરે છે.
![Bhagvat Bhumi](https://secure.gravatar.com/avatar/0a7b601146069a0861ca5cc0771ea197?s=96&r=g&d=https://bhagvatbhumi.in/wp-content/plugins/userswp/assets/images/no_profile.png)